Euskal Corpus Onomastikoa egitasmorako teknikaria

ESKAINTZA:

Euskaltzaindiak Euskal Corpus Onomastikoa (ECO) egitasmorako teknikari bat kontratatu nahi du onomastika arloan lan egiteko. Langunea Euskaltzaindiaren egoitzan izango du, Bilboko Plaza Barrian.

EGITEKOAK:

• ECO datutegia osatzen eta zabaltzen jarraitzea eta datu onomastikoen arteko erlazioak ezartzea (datu dokumentalak, ahozkoak, arautze-lana, izen alternatiboak, geoposizioa, datu osagarriak…).
• ECOra bildutako informazioak egokitzeko lanak egitea.
• ECOn jasotako datu onomastikoak plazaratzeko lanak egitea (EODA…).
• Oro har, ECOko iturri dokumentalak abiapuntu hartuta, Onomastika batzordeari txostengintzan laguntzea.

BALDINTZAK:

• Titulazioa: Unibertsitateko titulua (Euskal Ikasketetako Gradua hobetsiko da).
• Informatikako prestakuntza (agirien bidez justifikatua). Bereziki, datu-baseen ezagutza, esperientzia eta prestutasuna.
• Euskararen alorreko esperientzia.
• Aintzat hartuko dira ezagutza eta esperientzia: Onomastikan eta dokumentazio historikoan.
• Zeharkako gaitasunak:

→ Autonomia, ekimena eta erantzukizuna.

→ Talde-lana eta diziplinarteko ikuspegia.

→ Etengabe ikasteko jarrera.

• Hizkuntza-gaitasuna:

→ Euskara-maila ona ezinbestekoa da.

→ Beste hizkuntzen ezagutza (agirien bidez justifikatua) baloratuko da.

INFORMAZIO OSAGARRIA:

• Kontratua: Lanaldi osoko lan-kontratu mugagabea, 6 hilabeteko probaldiarekin.
• Lan-baldintzak: Hasierako balorazioa gainditu eta elkarrizketa pertsonalaren fasera igarotzen diren hautagaiei banan-banan eta zehaztasunez jakinaraziko zaizkie lan-baldintzak, baldintza ekonomikoak barne.

HAUTAKETA-PROZESUA:

Interesdunek CV-a eta motibazio-gutuna bidali beharko dute, euskaraz, honako helbide elektronikora: [email protected], urriaren 13ko 09:00ak baino lehen. Epemuga horren ondoren jasotako hautagaitzak ez dira onartuko.